攝影&廣告達人

可能因為爸爸的原故（成日顧住影諾諾），諾諾近來也愛上了攝影，經常都攞住爸爸部細相機玩‘唧嚓’，有時佢會喺屋企四圍影，有時又鍾意玩自拍，簡直創意無限，絕對係一個有要求的攝影師。

除影相外，睇電視廣告亦係諾諾的一大嗜好，近來最hit嘅當然係‘豈有此理’啦，佢一路揸住條電話線，一路唱‘豈有此理’同埋講對白，七情上面。另外，邦民天氣預告、Rejoice（大風吹亂頭髮嗰個）、葡萄適同益達都係佢嘅 ‘飛佛’，至於電視節目方面，除咗天氣先生外，諾諾好似對其他節目冇嘜興趣（連唱‘起來’都好冷淡），不過咁都好，起碼佢唔會好長時間咁坐喺度睇電視睇壞對眼。

全部都係諾諾影嫁
左上 - 書書&車
右上 - 佢自己件背心
左下 - 瞓覺必備嘅豬豬(其實係熊仔)
右下 - 應該係'碌'柚

睇豈有此理

http://www.youtube.com/watch?v=VhO5SdoabqA

謝謝！契爺契媽

諾諾每天不停的成長，雖然佢身形仍然係細碼，但就明顯高咗同重咗，佢有好多衫褲鞋襪都已經再著唔落，當我地要處理這些舊衣服時，確實有少少心痛，因為大部份我同媽媽都好鍾意，不過，心痛歸心痛，見到諾諾快高長大我地又好開心（好似有D精神分裂添）。

之前契爺契媽送咗對波鞋俾諾諾，但都係逃唔過被淘汰嘅命運，我地唯有喺轉贈俾表弟之前留番個倩影。而早輪佢地兩個去咗日本旅行，又有手信俾諾諾，所以真係要再次多謝佢地。到今次佢地返加拿大，相信一定滿載而歸，諾諾又一次大豐收！我地一家喺度預先多謝定契爺契媽先！！

Bye bye波鞋













日本手信