Sleepover

個幾星期前，係諾諾九歲生日，近幾年都冇為佢開生日會，最多也只係約幾個朋友一齊吃飯。

但今年生日，諾諾希望可以邀請朋友仔嚟我們屋企Sleepover，而佢啲朋友仔都好有義氣，一口答應參加呢個盛會。這晚節目非常豐富，吃完晚飯後就立即番屋企，一起玩Monopoly，一起打Wii，一起食雪糕，一起玩足球遊戲，又一起吹水講笑話，搞到半夜兩點幾先瞓覺。

到第二朝，本來諗住應該可以晏Ｄ起身啩，點知幾個小朋友（友仔）八點幾就起身，一起身就話要打Wii，玩完一輪，仲要番主日學，真係精力充沛（頂佢哋唔住）。

雖然Sleepover係好辛苦（對大人嚟講），但見到佢哋玩得咁開心 ，我哋辛苦啲都冇計啦，希望佢哋幾個可以快快樂樂咁一齊成長，大個咗都可以繼續做好朋友。