謝謝！契爺契媽

諾諾每天不停的成長，雖然佢身形仍然係細碼，但就明顯高咗同重咗，佢有好多衫褲鞋襪都已經再著唔落，當我地要處理這些舊衣服時，確實有少少心痛，因為大部份我同媽媽都好鍾意，不過，心痛歸心痛，見到諾諾快高長大我地又好開心（好似有D精神分裂添）。

之前契爺契媽送咗對波鞋俾諾諾，但都係逃唔過被淘汰嘅命運，我地唯有喺轉贈俾表弟之前留番個倩影。而早輪佢地兩個去咗日本旅行，又有手信俾諾諾，所以真係要再次多謝佢地。到今次佢地返加拿大，相信一定滿載而歸，諾諾又一次大豐收！我地一家喺度預先多謝定契爺契媽先！！

Bye bye波鞋













日本手信