生日派對

在諾諾四歲生日前的一個星期，我和媽媽都未決定會唔會幫他開生日會，但後來問過諾諾，佢話好想開，我同媽媽收到這道聖旨後，當然不敢怠慢，立即為他預備。

今次我地選擇咗美孚保齡球場內的餐廳，希望可以一邊打保齡，一邊食嘢，但因保齡場實在太多人，所以開頭都有少少混亂，好在食完嘢再打時，情況好了很多，每個小朋友都好守秩序，排隊輪流打，大家都打得好開心。

今次生日會，只有不足一星期的時間籌備，生日會能順利，媽媽的功勞最大，因為由Book地方，約人到買小禮物，媽媽幾乎都係一手包辦（當然我都有出力），不過辛苦都值得，因為我地感覺到諾諾真係好開心，好滿意今次生日會的安排。

似模似樣



















多謝各位朋友參加我嘅生日會













終於等到吹爉燭



















切蛋糕

學校旅行 (5/10)

5/10星期二，是諾諾學校旅行，地點是北潭涌渡假村，我和諾諾7:45am就出門口，一齊搭小巴返學校，大約8:20am到達，因早到關係，我們便在學校門口等，在這個空閒時間，諾諾便和他的同學仔一齊玩，玩玩吓，諾諾突然流鼻血，還流了不少，不過好在過了一會便止了血，可以照常出發去旅行。

我覺得今年旅行營地及安排都比上年的好，遊樂設施較集中，飯堂又大，又有午餐食（當然不是免費），只是自活動的時間長了一點，令父母疲於奔命。

老師也預備了一些集體遊戲（大風吹／松鼠搬家／猜猜拳／麻鷹捉小雞），這幾個遊戲都幾好玩，但不幸的是我給老師影了一張很騎呢的相，遲些還可能會被放上網！

攀石 (自由活動)




















大風吹，吹走Pat Pat

Happy Birthday to Nok Nok

今天，諾諾終於四歲了，可能是覺得四歲是大個仔吧，所以他很渴望今天的來到。

因大家都要上班和上學，所以都沒有什麼特備節目，放學時，契爺同契媽到學校自接諾諾，跟著到又一城食晏，到了晚上，我們又同姑婆同丈公一齊食飯慶祝。雖然是過得很簡單，但相信有咁多人陪他，他已經很滿足了。

我和媽媽都沒有叫諾諾許願，但我們的願望，是諾諾可以健康快樂地成長，永遠都開開心心。

照常返學













到樓下酒樓食晚飯



















我四歲喇