Fire Station

自從電視播影烈火雄心III開始，諾諾就好像迷上了做消防員，一時又要做阿牛，一時又要做卓Sir，有時又話要做徒弟仔（爸爸當然地也要參與演出），完成抽離唔到角色。就是因為諾諾這份熱誠，所以我和媽媽應承了他，如果有機會，一定會帶他去消防局參觀。

等了這麼久，終於等到了消防局的開放日。最初我地以為只是可以入去消防局行行，同消防車影影相，睇一下宣傳電視同展覽，但估唔到，原來今次是一次比較大型的活動，有消防員表演（救火、游繩、空中飛人等），又有攤位遊戲玩，諾諾同正正玩了接近兩個鐘，但好像還不想離開，不過大人就已經透支了，不得不回家休息。

當日還攞了一些紀念品，可謂又食又拎，過了非常開心的一天。

特別鳴謝：署長及署長細佬