歷史重演！
前日媽媽下午收到婆婆的電話，話諾諾放學回家後不停地話聽日唔返學，婆婆問他點解唔想返學，他又講唔出什麼原因，令到我地都非常之擔心，怕又再歷史重演，所以我地一定要找出當中原因。
於是媽媽便致電給文茵老師了解情況，而文茵老師話返學時都沒有什麼事情發生，但經她向其他老師了解過後，終放找到疑似諾諾唔想返學的原因。
這兩天，中大的牙醫來到學校，要做一個有關小朋友牙齒健康的研究，對象是K2同K3的同學，牙醫穿上藍色醫生袍及帶上口罩，而學生就一個跟一個的瞓在床上，給牙醫檢查牙齒。這個情景，就給路過要上音樂堂的諾諾看見，諾諾停下來看了一會，面上流露出一些不安的表情（老師描述），好像受到驚嚇。相信，諾諾就是因為怕要輪到自己睇牙醫而不想上學。
後來，我地有向諾諾求證，他說他很怕這些牙齒人（媽媽給牙醫改的新名稱），所以不想上學，經過我地一輪心理輔導後，諾諾終於走出了他的心理陰影，昨天又愉快地返學。(後來再問諾諾，問他是不是怕牙齒人而同婆婆講唔想返學，但係佢又答話只係同婆婆講吓喎）
文茵老師和媽媽除講及這件不想返學的事情之外，老師還稱讚了諾諾。
兩三日前，學校的蓮姐清洗了玩具，放好吹乾，等乾了之後收回，老師就同同學講，我地要記得多謝蓮姐幫我地洗玩具。到了去洗手間時間（蓮姐也會幫同學去洗手間），諾諾竟然主動同蓮姐講：「唔該蓮姐幫我地洗玩具」，老師話，成班同學，只得諾諾一個有講多謝，真係抵讚！
另外，老師還讚諾諾做事有責任感，又是兩三日前，諾諾其中有一位坐同學一輛校巴的同學沒有上學（他好像姓冼的），老師上堂時就叫諾諾幫手，帶一些功課上車，然後在下車時將功課交給這位同學的姐姐（工人姐姐）。到放學時，諾諾自己走去問老師，係咪要帶功課俾同學呀，跟著老師就將功課交給諾諾，最後，諾諾成功地將功課交到姐姐手中。
於是媽媽便致電給文茵老師了解情況，而文茵老師話返學時都沒有什麼事情發生，但經她向其他老師了解過後，終放找到疑似諾諾唔想返學的原因。
這兩天，中大的牙醫來到學校，要做一個有關小朋友牙齒健康的研究，對象是K2同K3的同學，牙醫穿上藍色醫生袍及帶上口罩，而學生就一個跟一個的瞓在床上，給牙醫檢查牙齒。這個情景，就給路過要上音樂堂的諾諾看見，諾諾停下來看了一會，面上流露出一些不安的表情（老師描述），好像受到驚嚇。相信，諾諾就是因為怕要輪到自己睇牙醫而不想上學。
後來，我地有向諾諾求證，他說他很怕這些牙齒人（媽媽給牙醫改的新名稱），所以不想上學，經過我地一輪心理輔導後，諾諾終於走出了他的心理陰影，昨天又愉快地返學。(後來再問諾諾，問他是不是怕牙齒人而同婆婆講唔想返學，但係佢又答話只係同婆婆講吓喎）
文茵老師和媽媽除講及這件不想返學的事情之外，老師還稱讚了諾諾。
兩三日前，學校的蓮姐清洗了玩具，放好吹乾，等乾了之後收回，老師就同同學講，我地要記得多謝蓮姐幫我地洗玩具。到了去洗手間時間（蓮姐也會幫同學去洗手間），諾諾竟然主動同蓮姐講：「唔該蓮姐幫我地洗玩具」，老師話，成班同學，只得諾諾一個有講多謝，真係抵讚！
另外，老師還讚諾諾做事有責任感，又是兩三日前，諾諾其中有一位坐同學一輛校巴的同學沒有上學（他好像姓冼的），老師上堂時就叫諾諾幫手，帶一些功課上車，然後在下車時將功課交給這位同學的姐姐（工人姐姐）。到放學時，諾諾自己走去問老師，係咪要帶功課俾同學呀，跟著老師就將功課交給諾諾，最後，諾諾成功地將功課交到姐姐手中。
