東尼仔的blog: 2009.08

病了

星期六的凌晨四點左右，諾諾突然走過來我地房，同我地講佢發燒（相信是婆婆叫他過來的），我地摸一摸他，發覺他的額頭及身體的確有些熱，不過看他的精神狀況及反應也沒有異樣，因此我地診斷他的病情應該不是太嚴重（由於搬屋時未有將探熱針同退燒藥帶來，我地也只好靠估）。

到了星期六早上，婆婆便帶諾諾去看醫生（我同媽媽要去參加家長會），醫生話諾諾是感冒，但聽得出不是豬流感（聽都聽得出?）。看見諾諾，除了有兩聲咳之外，就沒有其他病徵，只是不斷地發燒（100度左右，昨晚還有少少燒），到了今早終於退了燒，希望諾諾快些病好，也希望不會影響他的開學。

八個多月的等待

終於順利搬到美孚了，雖然仍要一些時間適應，但整體上都是很滿意。對諾諾而言，新屋所有的東西都很新鮮及對它們充滿好奇，有時還會表現得過份興奮，相信再要過多一段時間，他才可以變回一個正常人。

幫手搬屋(真係有推嫁)

終於可以攞出嚟玩

經常在梳化上走來走去及跳來跳去

火車床，我好鐘意嫁(爸爸有份參與設計)

晚禱

每一晚，我地都會同諾諾一齊睇聖經同祈禱，通常由爸爸負責讀聖經，我同媽媽就轉流每人一晚開聲祈禱。

上星期五(14/8)晚，諾諾突然主動話要帶我地祈禱，我同媽媽對望了一下，當然，我地都好樂意讓他帶我地祈禱。到星期六晚，我地又問佢帶唔帶我地祈禱呀，佢又話好，不過禱完之後，就話聽晚唔祈喇，叫我地祈番，但到了星期日，佢又有帶我地祈禱(可能忘記了) 。諾諾的祈禱，雖然簡短，但每次都會為不同的事情祈禱或謝謝天父，媽媽同爸爸都覺得諾諾好叻，也覺得他真的長大了。

14/8
謝謝天父，我地平平安安去街，返屋企，食士多啤梨雪糕（都冇食過雪糕）……筒（咁就有食過），謝謝天父，平平安安瞓覺，奉主耶穌基督聖名，阿們。

15/8
謝謝天父，聽日一早起身去旅行，爺爺嫲嫲（爺爺都唔去）、賣魚（???）、二姑媽、三姑媽一齊去，兩日一夜，好開心，我地平平安安瞓覺，奉主耶穌基督聖名，阿們。

吃喝玩樂在韓國（17 - 21/7/09）

現在是時候回顧一下這次韓國親子五天團（好像有些遲）。

17/7
－在屋企出發往機場，順利完成登機手續後去食早餐，之後就到登機閘口登機，坐了三個多小時飛機，終於到達韓國的仁川機場。
－約四點左右，到達第一個景點－明洞（食雪糕及行街，行街主要是在Skin Food內），因天雨關係，大大影響了行街的心情
－食冬蟲夏草高麗人蔘雞
－睇Drawing Show（有些少驚喜）
－返酒店（JW Marriott）

18/7
－德壽宮／青瓦台（到此一遊之景點）
－泡菜DIY & 體驗穿著韓國傳統韓服
－返酒店（天比高O2度假城），放許願汽球 & 放煙花（滴滴金兩支）
－夜遊酒店超市

19/7
－刨冰DIY（被我們評為最差的節目）
－芝士DIY
－餵飼可愛小綿羊
－滑草（都幾好玩，阿仔足足玩咗三次）
－返酒店游水同浸溫泉（Sol Beach，間酒店都幾靚）

20/7
－夢幻樂團（重遇波波槍）
－到南山搭纜車（好逼）
－到巨龜莊食晚餐（好一般）
－返酒店（又係JW Marriott）

21/7
－ XX專賣店（行了好多間）
－買手信　買手信
－搭飛機返香港，完成五日行程

總括今次行程，沒有什麼特別的地方，最好玩是到農場餵羊同滑草，而在飲食方面，食的都是豬肉燒烤同豬肉火煱，真是有些少受不了。不過能夠一家人出外旅行，這些都已變成次要了。而這幾天諾諾都算合作，大部份時間都好乖同聽話，係間中有少少唔聽話（成日攞槍呯人／話要打人），所以我地都好欣賞佢。每次同諾諾去旅行，我地都覺得去得特別攰，今次亦都唔例外，不過可以同佢一齊去旅行，辛苦少少都係值得，而我相信，諾諾在我地當中是玩得最開心的一個。

又要飛喇！