冧晒

近來，諾諾有兩句說話成日掛在口邊，第一句就係：「（爸爸），我好掛住你呀！」，而第二句就係：「（爸爸），我好鍾意你呀！」（括號內嘅人物可隨時轉換，而亦會加上指定動作嘟咀）。

不過，有時都唔知佢係講真定講假，因為佢講嘅時候，對眼未必係望住你，有時仲會望住電視添，但係點都好，我地都會照單全收，我地會攬住佢回應話：「爸爸都好掛住／鍾意諾諾呀」。

其實，只要諾諾肯同我地講，我地就已經冧晒，佢係唔係望住我地講都已經唔重要。

嘟咀樣














睇場(新居)




















乜野造型呀

新年之後

今年已經係諾諾第三次過農曆新年，其實每年都差唔多，都係去吓拜年、出吓街同去吓人地屋企玩，今年當然都係一樣，冇乜特別。雖然新年後我都請咗兩日假，但開心嘅時間過得特別快，好快我又要回復返工嘅生活，而媽媽亦於今日重返校園，唔知諾諾會唔會唔習慣呢？

諾諾而家大個咗，好多時都會同言語同表情嚟表達出佢嘅感受，有時，佢都會流露出佢感性嘅一面：

事件一
爸爸開工之前一晚，媽媽問諾諾，爸爸返工你有冇唔開心呀，諾諾即刻嘟起個咀唔出聲，好似好唔開心咁樣

事件二
幾日之後，媽媽又同諾諾講，媽媽放假，你開唔心呀，諾諾答開心，跟住媽媽再講，不過媽媽過兩日都要返工，你會唔會唔開心呀，諾諾又再嘟起個咀，仲要攬住媽媽

事件三
星期三，諾諾同媽媽一齊揾爸爸食晏，食完之後返到屋企，諾諾同媽媽講，我同爸爸食飯好開心，媽媽就問諾諾，你係唔係好鍾意爸爸呀，諾諾就答係呀，我好鍾意爸爸嫁，媽媽又再問，咁你鍾唔鍾意媽媽呀，諾諾又話鍾意，之後佢再講，我都好鍾意公公、婆婆、姨丈、姨媽……（人數太多不能盡錄）

過去三年嘅新年（豬、鼠、牛）