齊齊去旅行

終於都整理完去北海道D相，總共影咗七百幾張相，話多唔多，但亦唔算少，最後揀咗百六張出嚟，大家有時間可以去我個相簿睇睇：

http://good-times.webshots.com/album/564888007cScZHl?vhost=good-times

總括成個行程，都算玩得好開心愉快，諾諾搭咁耐飛機都冇事，行程又順利，係有少少落雨同諾諾有時都會扭計，整體都唔錯唔錯。

講開諾諾扭計，佢成日都話唔要邊個唔要邊個，有時又出手打人，想抱佢嘅時候就要落地，想佢落地行又話要抱（佢要抱嘅時間多，所以都幾辛苦），總之就唔多聽話，所以旅途中都令到大家有少少唔開心。不過最重要，都係旅程平安順利，而諾諾又玩得開心，咁都叫好理想喇。

以前都有同諾諾一齊睇飛機，但而家佢見到飛機好似肉緊咗好多，唔知係咪因為親身經歷過搭飛機嘅感覺，所以特別有親切感呢？希望可以好快再有機會同諾諾一齊去旅行搭飛機啦！