Michelle姨姨遲D見
早幾日，Michelle嚟咗我地屋企食晚飯，當係為佢返加拿大送行嘅一餐飯。嗰晚大家都好開心，諾諾亦好合作，係唔肯唱Goodbye Goodbye俾Michelle聽差咗少少，不過整體嚟講，都算交足功課。
今次Michelle返咗去之後，唔知幾時先再返嚟香港，到佢返嚟嘅時候，諾諾可能已經唔識得佢，不過，我地或者都會嘗試吓得閒俾D Michelle嘅相俾諾諾睇吓，等佢keep住睇吓Michelle個樣，咁就冇咁易唔記得啦！
（而家Michelle應該飛緊返去囉）
星期五, 5月 30, 2008
星期四, 5月 22, 2008
Happy Birthday to Me
上星期五請了一天假，原因係因為那天是自己嘅生日，所以想休息一下，當然，最想係可以同諾諾玩番日。而媽媽因為要返工的關係，到夜晚先可以約埋一齊食飯。
當日行程
9:00am - 同諾諾+公公婆婆一齊落街飲茶
10:45am - 去惠康買野
11:00am - 去公園玩一陣（玩到11:30am）
12:15pm - 瞓晏覺（公公同婆婆都出咗街－婆婆就約咗舊同事食飯，公公就約咗朋友飲下午茶，係我同諾諾單獨相處嘅好機會）
2:00pm - 起身，一路喺屋企玩，玩到4:30pm（比預期早咗起身，我同諾諾一齊畫畫、玩自拍同食橙橙；婆婆3:30pm左右返嚟）
4:30pm - 等軒軒哥哥放學，一齊去公園玩（佢地會踢波、'Sir'滑梯同打人肉韆鞦）
6:00pm - 返屋企洗白白，睇天氣先生/天氣姨姨
7:00pm - 出門口，再會合媽媽食晚飯（坐車時諾諾瞓咗40分鐘）
9:00pm - 食完飯行街街
9:30pm - 返屋企
雖然好快就過咗一個平淡同冇嘜特別節目嘅生日，但能夠同媽媽諾諾一齊慶祝，我都已經好滿意。唔知諾諾大個咗，仲肯唔肯同我地一齊慶祝呢？
飲飲吓茶企咗起身
去惠康買野
自拍（諾諾影嫁）
諾諾＋軒軒哥哥
食完飯行街街
準備返屋企
當日行程
9:00am - 同諾諾+公公婆婆一齊落街飲茶
10:45am - 去惠康買野
11:00am - 去公園玩一陣（玩到11:30am）
12:15pm - 瞓晏覺（公公同婆婆都出咗街－婆婆就約咗舊同事食飯，公公就約咗朋友飲下午茶，係我同諾諾單獨相處嘅好機會）
2:00pm - 起身，一路喺屋企玩，玩到4:30pm（比預期早咗起身，我同諾諾一齊畫畫、玩自拍同食橙橙；婆婆3:30pm左右返嚟）
4:30pm - 等軒軒哥哥放學，一齊去公園玩（佢地會踢波、'Sir'滑梯同打人肉韆鞦）
6:00pm - 返屋企洗白白，睇天氣先生/天氣姨姨
7:00pm - 出門口，再會合媽媽食晚飯（坐車時諾諾瞓咗40分鐘）
9:00pm - 食完飯行街街
9:30pm - 返屋企
雖然好快就過咗一個平淡同冇嘜特別節目嘅生日，但能夠同媽媽諾諾一齊慶祝，我都已經好滿意。唔知諾諾大個咗，仲肯唔肯同我地一齊慶祝呢？
飲飲吓茶企咗起身
去惠康買野
自拍（諾諾影嫁）
諾諾＋軒軒哥哥
食完飯行街街
準備返屋企
星期日, 5月 11, 2008
星期三, 5月 07, 2008
五四運動（燒烤篇）
早在兩個星期前，已經開始籌備今次五月四日的燒烤活動，除買了兩套沙灘玩具外，出發前一日又去了買短褲同涼鞋（當然是買俾諾諾啦），一於以最佳狀態示人。
到了最關鍵的星期日朝早（因諾諾如果晏晝覺瞓得唔好，就會好影響佢全日嘅表現），我地一早就叫醒諾諾，同佢去當勞勞食早餐，然後就帶佢去公園玩，又同佢踢足球，總之儘量消耗佢嘅體能，令諾諾可以瞓得好少少，最後，我地嘅計劃都算幾成功，諾諾未夠十一點半就已經瞓咗，亦令我地放下心頭大石。
等了很久，媽媽終於回來了（媽媽要做午堂主席，完了午堂後，賣魚叔叔就載媽媽回來，車上仲有正正一家），在媽媽回家途中，我就叫醒諾諾，幫佢換衫，等到媽媽回來，我地就立即出發去目的地--蝴蝶灣。今次時間配合得非常之好，諾諾足足瞓了兩個鐘，差足電再繼續我地的行程。
去到蝴蝶灣，發覺蝴蝶灣都係一個幾唔錯嘅燒烤地點，除了有燒烤爐同沙灘外，又有兒童遊樂場（不過今次因時間關係冇試過），可以俾諾諾玩足一日，不過如果好似星期日咁熱，都會幾辛苦。
我地一去到，諾諾就四圍走視察環境，後來俾佢同正正發現咗一個發泡膠箱，入面仲裝住好多凍凍，跟住落嚟有好多嘅時間，佢地就一路圍住個箱玩。玩完凍凍後，就開始踢足球，除咗Uncles陪佢踢外，連Aunties都加入埋一份，真係辛苦晒大家。到最後，就去到全日嘅高潮--玩沙沙，諾諾當然玩得好開心啦，但佢暫時仍未能自己出海攞水，相信佢係怕海水衝上岸時嗰一刹那嘅洶湧。
而食物方面，雖然諾諾冇份燒野食，但佢都有食粟米、雞亦、蛋糕同麵包，再加埋自備嘅Milk Milk同汁汁，都應該冇投訴（多謝姨姨們為我地預備食物，我自己就最欣賞羊扒，的確好好味）。
玩完食完之後，我地就要趕去第二場，好在又有賣魚叔叔載我地（真係要多謝賣魚叔叔），等我地唔使坐咁耐車之餘亦讓諾諾有幾個字時間瞓一瞓，抖足精神同嫲嫲慶祝生日。
當一日完結時，爸爸同媽媽又再做個賽後檢討，得出嘅結論係：各位Uncles & Aunties嘅幫忙，同諾諾嘅合作，令到整日嘅行程非常之順利！如果日後能夠再搞多啲類似嘅活動，就真係唔錯，唔使只係去公園玩咁單調，不過又要再辛苦咁多位團友喇！
喺發泡膠箱玩凍凍
打水淋花
同嫲嫲慶祝生日
到了最關鍵的星期日朝早（因諾諾如果晏晝覺瞓得唔好，就會好影響佢全日嘅表現），我地一早就叫醒諾諾，同佢去當勞勞食早餐，然後就帶佢去公園玩，又同佢踢足球，總之儘量消耗佢嘅體能，令諾諾可以瞓得好少少，最後，我地嘅計劃都算幾成功，諾諾未夠十一點半就已經瞓咗，亦令我地放下心頭大石。
等了很久，媽媽終於回來了（媽媽要做午堂主席，完了午堂後，賣魚叔叔就載媽媽回來，車上仲有正正一家），在媽媽回家途中，我就叫醒諾諾，幫佢換衫，等到媽媽回來，我地就立即出發去目的地--蝴蝶灣。今次時間配合得非常之好，諾諾足足瞓了兩個鐘，差足電再繼續我地的行程。
去到蝴蝶灣，發覺蝴蝶灣都係一個幾唔錯嘅燒烤地點，除了有燒烤爐同沙灘外，又有兒童遊樂場（不過今次因時間關係冇試過），可以俾諾諾玩足一日，不過如果好似星期日咁熱，都會幾辛苦。
我地一去到，諾諾就四圍走視察環境，後來俾佢同正正發現咗一個發泡膠箱，入面仲裝住好多凍凍，跟住落嚟有好多嘅時間，佢地就一路圍住個箱玩。玩完凍凍後，就開始踢足球，除咗Uncles陪佢踢外，連Aunties都加入埋一份，真係辛苦晒大家。到最後，就去到全日嘅高潮--玩沙沙，諾諾當然玩得好開心啦，但佢暫時仍未能自己出海攞水，相信佢係怕海水衝上岸時嗰一刹那嘅洶湧。
而食物方面，雖然諾諾冇份燒野食，但佢都有食粟米、雞亦、蛋糕同麵包，再加埋自備嘅Milk Milk同汁汁，都應該冇投訴（多謝姨姨們為我地預備食物，我自己就最欣賞羊扒，的確好好味）。
玩完食完之後，我地就要趕去第二場，好在又有賣魚叔叔載我地（真係要多謝賣魚叔叔），等我地唔使坐咁耐車之餘亦讓諾諾有幾個字時間瞓一瞓，抖足精神同嫲嫲慶祝生日。
當一日完結時，爸爸同媽媽又再做個賽後檢討，得出嘅結論係：各位Uncles & Aunties嘅幫忙，同諾諾嘅合作，令到整日嘅行程非常之順利！如果日後能夠再搞多啲類似嘅活動，就真係唔錯，唔使只係去公園玩咁單調，不過又要再辛苦咁多位團友喇！
喺發泡膠箱玩凍凍
踢波
打水淋花
同嫲嫲慶祝生日
