情感豐富

或許，諾諾是一個情感豐富的人。

在剛剛過去的星期六，與往常一樣帶諾諾返Play Group，到課堂的最後，老師如常地講故事給一班小朋友聽。當日的故事內容，是一隻小老鼠找食物，終於給他找到了幾隻香蕉，他便很開心的吃，但他吃完香蕉後，便隨手將蕉皮掉在地上，剛好有幾隻動物（有獅子、犀牛、大象及長頸鹿）先後行過，他們都被地上的蕉皮跣倒。

當頭兩隻動物跣倒時，諾諾還沒有什麼反應，但到了第三隻動物跣倒時，他突然放失聲痛哭（像平時自己撞到很痛時的情況），過了一會，情況好了些，於是老師便再講下去，但講到第四隻動物都跣倒時，諾諾又再哭過，老師唯有快快的講完故事，說所有動物都看了醫生，現在牠們都沒有事了，這樣，諾諾才肯收聲。（其實故事應該是叫小朋友不要亂拋垃圾）

其實我真的不太明白諾諾為何會有這麼大的反應，不過，我很希望能了解諾諾更多，明白他更多，讓我能和諾諾更加親近。（相信媽媽亦一樣）

（下期預告：迪士尼一日遊）

今次Tea Time煮菜食

濶佬的諾諾

以前，要諾諾俾野我地食，真係難過登天，印象中我好像一次都沒有成功過。佢最叻就係假裝俾我地食，當放到我地口邊時，就收番放落自己個口度。

但近兩個星期開始，諾諾突然變得濶佬起來，叫佢俾佢最鍾意嘅食物我地食（如提子、橙橙及餅餅等），都無托手”爭”，仲俾晒我地四個人食（公公、婆婆、媽媽、爸爸），之後仲笑笑口，鬼咁開心，其實我地都好開心，直情覺得甜到入心。希望諾諾可以一路keep住這個濶佬嘅精神，學識如何與身邊的人一同分享。

星期日去咗正正屋企玩

第二個農曆新年

今年是和諾諾一起的第二個新年，與上年一樣，年初一我地都會返爺爺嫲嫲屋企拜年，然後就舉家出動去其他親戚屋企拜年。還記得上年拜年時，諾諾還未識講野，對親友亦沒有太多的回應，但經過一年時間的成長，及早兩個星期前的特訓，諾諾今年可以同親友講“恭喜，發財”同“身體，健康”，仲會向人請請，表現得好好，令到我同媽媽都好開心。

年初一
同公公婆婆飲早茶／午睡／去爺爺嫲嫲度拜年／去其他地方拜年（一家扶老攜幼）／因比較夜沒有和家人食晚飯便回家／沖涼瞓覺

年初二
同公公婆婆飲早茶／午睡／玩／再瞓過，之後起身沖涼／去爺爺嫲嫲度食開年飯（好乖，食飯冇扭計）／爺爺送我地返屋企

年初三
同公公婆婆飲早茶／午睡／起身返團契（今年去正正新屋團拜）／返屋企樓下酒樓食開年飯（成十幾人一齊食）／沖涼瞓覺

年初四
起身返崇拜（又遲到）／去當勞勞食早餐（謝謝Uncle JoJo載我地去／Auntie Ronnie請諾諾食扭扭通粉，原來諾諾鍾意食通粉多過食飽同熱香餅）／返屋企瞓晏覺（再次多謝Uncle JoJo送我地返屋企）／瞓咗一陣就起身玩／玩完之後同佢沖涼，跟住又瞓過（瞓到成七點鐘）／去署長姨姨屋企打邊爐（等到佢地發晒霉）／返屋企瞓覺（未返到屋企已瞓著覺）

過了四天紅假，一切又回復正常（唯一不正常的是媽媽仍在放假），我當然唔捨得咁快要返工冇得同諾諾玩啦，但相信最唔捨嘅係舅父，因為在這幾日假期，舅父每日都同諾諾玩得很開心，諾諾瞓醒又叫舅父抱，成日’癡’到實一實。不過冇辦法，始終都要返工，唯有等下次返嚟再同諾諾玩過啦。

年初一，笑口常開



















飛機師造型，又要照鏡