中秋佳節

今年是諾諾的第一個中秋節，當晚好高興，有小正同小正媽咪同CoCo姨姨一齊食晚飯，食完飯後，再叫埋村民Emily姨姨一齊到樓下公園玩燈籠（用電的）同螢光棒，而我地就更為諾諾預備咗一架新車，當晚是他第一次坐這架車落街（之前只有在屋企同出走廊玩過），當然唔少得吹番梘泡啦。

不過，可能因為已到了瞓覺時間，小正落咗街無耐就瞓著咗覺，只有小諾諾繼續努力同我地一齊玩，但其實佢主要都係鐘意睇住其他小朋友玩，玩到十一點左右，我地就返屋企。今次中秋節諾諾玩得都好開心，佢亦好滿意架新車的性能，當然，我地都玩得好開心啦。

(Emily姨姨中秋節前幾日，專成為諾諾帶來了Kitty燈籠)

(這就是諾諾的新車了)

契媽契爺

琴晚諾諾契媽契爺嚟食飯，仲帶埋手信，都算唔話得。佢地雖然唔係經常見到諾諾，但諾諾都同佢地玩得好開心，可能是在自己既主場有關啦。諾諾一次過表演咗多種成名絕技，如電眼、玩捉迷藏、唔吖（飛吻）、唔賣、"禁"等，氹到契媽同契爺鬼咁開心。

就是這個手信了

吹番梘泡

琴日係諾諾十一個月大生日，我地食完晚飯後帶咗佢落街玩吹波波，見佢玩得咁開心，連我地都開心埋。

http://hk.video.yahoo.com/video/video.html?id=297046
（我都學吓放段片出嚟先）

十一個月

諾諾十一個月大喇！

很奇怪，自從諾諾出世以後，每個月的十一號都變成了特別的日子，相反，自己的生日或一些本來值得記念的日子卻好像越來越不重要。相信要調節一下心態了，這樣，諾諾媽咪才不會呷醋呢！

（頂住先，到一歲生日先請諾諾食真蛋糕）

今晚同諾諾玩得好開心

今晚諾諾心情勁靚，同佢玩捉迷藏，都已經開心到不得了，見到諾諾咁開心，我當然都好開心啦，如果每日都有一段咁既時間，我就非常之滿足了。

醒起諾諾仲有一D成日講既野
- "禁"（好多時見到圓形既野都話要"禁"）
- "椅"（見到一D覺得新奇既野時就會"椅"）
- "擘"（成日攞廁紙同紗巾抹枱抹地）
- 雀雀（公公成日帶佢去睇雀雀）
- 汪汪（見到狗狗就會叫）

幾開心

諾諾快D好番啦

這兩天諾諾的病好了很多，只是還有少少鼻水同有幾聲咳，相信很快便可以痊癒，不過胃口還是差少少，有時見到樽奶好似見鬼咁，不停咁避，希望佢可以快D食番多D野啦，肥少少好睇D嘛。

而家諾諾成日都講好多野，當然好多都唔知佢講嘜，以下是一些聽得明的：
- 爸爸（叫得好好聽）
- 媽媽（近兩日才肯叫）
- 執（成日丟野落地叫人執）
- 白白（洗白白的簡稱）
- 畀（叫人畀野佢食）
- 一二（我地教佢行路會數一二一二）
- 唔賣（睇得一擲千金多）
- Kitty（相信很多Uncle Auntie睇過佢表演）
- Mum Mum（見到有野食自己又想食）
應該仲有一D唔記得咗，遲D記得再寫過

今晚帶諾諾落惠康買野，精神咗好多

諾諾病了

前晚，諾諾開始發燒流鼻水同咳，好在屋企有D看門口藥，畀佢食咗之後，到琴日帶咗佢去睇醫生。但係，到今日都無乜好轉，頭先又發燒，所以又再帶佢去睇夜診醫生。見到諾諾病咗，我同媽媽真係心痛到不得了，希望佢可以快D好番，做番以前諸事八卦既諾諾。

晏晝帶咗諾諾落街行吓(仲流緊鼻水)