發燒

要keep住update個Blog真係唔係咁易，拖吓拖吓，又隔咗兩個月，相信我都要努力D，如果唔係個Blog就好容易摺。

講返諾諾，他這兩個月又大個了許多，有時好像聽得明我地講D野，叫佢畀畀就會畀（當然唔係次次得啦），有時鬧佢就會扮傻望去第二道，都幾搞野。還有，他現在喜歡掉野同爬梳化，又鍾意將D野收埋，真係睇少陣都唔得。

唔知係唔係出牙仔的關係，諾諾近來食野冇以前咁乖，又比以前多咗扭計，有時又好似有少少唔舒服，希望佢可以快D冇事，等大家都唔使咁辛苦。講開唔舒服，諾諾七月尾(30/7/07)的時候，就試過發燒，燒到102度。那天晚上相約了到Uncle Rabbit屋企食晚飯，又可以同小正玩玩，起初都沒有異樣，只是在我們食飯時有些少扭計，所以Ada草草食完飯後便抱著諾諾，試圖暗他瞓覺。

但當Ada一抱起他時，便覺得他很熱，好像是發燒，我們便立即借了小正的探熱針（是耳探，不是肛探），一量就量到39度幾（都唔知係華氏幾多度），所以我地趕快回家，食完奶後便立即同佢去醫院睇醫生。睇完醫生，個醫生都唔肯定諾諾為乜事發燒，話佢可能生玫瑰疹，又意圖說我地同諾諾驗乜驗乜，當然我地梗係冇上當啦，跟著攞咗退燒藥同消炎藥就走了（還有塞肛的退燒藥）。

食咗藥後，過兩日便沒有事了（不過之後有D咳同流鼻水），雖然今次唔係病得咁嚴重，但都緊張死我地，又發覺自己原來唔係咁識得照顧諾諾（屋企冇D退燒藥看門口），希望諾諾可以身體健康，少D病痛就好了。

Update吓而家諾諾的喜惡先
他鍾意：
1. 食香蕉同橙橙
2. 食士多啤梨味星形餅仔（將小饅頭打咗入冷宮）
3. 食飽飽
4. 飲湯（我地會畀D未落鹽既湯佢飲）
5. 睇電視/聽音樂（有高尚情操）
6. 咬人（尤其係婆婆）
7. 搶人手上的物件（如相機/電話/Remote等高科技物品）

他唔鍾意：
1. 抹面/洗口/洗頭（但以前好鍾意）
2. 食粥粥（唔知係唔係因為出牙仔）
3. 屋企隻新馬仔（玩具，不是慈善伶王）
應該仲有很多，但一時間諗唔起

（今日諾諾十個月大了）

發燒後第二日帶諾諾申請回港証同特區護照，順便去西田間BB餐廳試試，佢都食得幾開心