時光飛逝

一轉眼原來已經三個幾四個月無Update過個Blog，真係有Ｄ對佢唔住！唔知仲有無Ｄ閑人上嚟行行呢？

近來好像很忙碌，忙碌並不是因為工作（但自從轉Team以後，的確要晏少少才可以放工），而是因為要開始預備迎接新生命的來臨。

仲有兩個多月BB就出世，現在的心情又緊張，又興奮，但又有少少擔心。一來擔心Ada會好辛苦啦（尤其是生BB既時候），二來又擔心能唔能夠好好照顧BB啦，仲有好多好多......。

但始終都好期待BB的來臨，希望我可以好好地照顧我的家庭，讓Ada同BB都生活得開開心心。